Indira Gandhi Death Anniversary: 'आयर्न लेडी' म्हणून ओळखल्या जातात इंदिरा गांधी, असे केले पाकिस्तानचे दोन तुकडे!

Indira Gandhi Death Anniversary: देशाचे पहिले पंतप्रधान पं. जवाहरलाल नेहरू यांच्या घरी 19 नोव्हेंबर 1917 रोजी इंदिरा गांधी यांचा जन्म झाला. राजकीय घराण्यात जन्मलेल्या इंदिरा गांधी यांची बालपणापासूनच दूरदृष्टी होती. पंतप्रधान असताना त्यानी घेतलेले अनेक निर्णय ऐतिहासिक ठरले.

Indira Gandhi Death Anniversary: भारतात अशा अनेक महिला होऊन गेल्या आहे ज्यांनी आपले कर्तृत्व आणि निर्णय क्षमतेच्या बळावर इतिहास (Indian Politics History) घडवला आहे. महिला सर्वच क्षेत्रतात पुरुषांच्या खांद्याला खांदा लावून काम करत आहे. इंजिनीअर, डॉक्टर, पायलट अशा अनेक क्षेत्रांसह राजकारणात देखील महिला पुढे आहे. भारताच्या राजकारणात अनेक प्रभावशाली महिला होऊन गेल्या आहे. यातील सर्वात अग्रस्थनी नाव येतं ते दिवंगत माजी पंतप्रधान इंदिरा गांधी (Indira Gandhi) याचे. भारताच्या आयर्न लेडी म्हणून त्यांना ओळखले जाते. आज म्हणजे 31 ऑक्टोबर रोजी त्यांची पुण्यतिथी साजरी होत आहे. पुण्यतिथीनिमित्त जाणून घेऊया त्यांच्या विषयी अधिक माहिती.Also Read - Queen Elizabeth: तीन वेळा भारतात आल्या होत्या महाराणी एलिझाबेथ, पाहिले नेहरुंपासून तर मोदींपर्यंतचे युग!

देशाचे पहिले पंतप्रधान पं. जवाहरलाल नेहरू यांच्या घरी 19 नोव्हेंबर 1917 इंदिराजींचा यांचा जन्म झाला. राजकीय घराण्यात जन्मलेल्या इंदिराजी यांची बालपणापासूनच दूरदृष्टी होती. वयाच्या अवघ्या 11 व्या वर्षीच त्यांनी ब्रिटिश राजवटीविरुद्ध लढा सुरु केला होता. 1938 मध्ये त्या भारतीय राष्ट्रीय काँग्रेसमध्ये औपचारिकपणे सामील झाल्या. जवाहरलाल नेहरू पंतप्रधान झाल्यावर त्या त्यांच्यासोबत काम करू लागल्या. Also Read - ZP Election Result 2021: राज्यातील सहा जिल्हा परिषद पोटनिवडणुकीचे निकाल जाहीर; पाहा कोणाला धक्का, कोणाची मुसंडी

पहिल्या महिला पंतप्रधान म्हणून रचला इतिहास

दिवंगत इंदिरा गांधी यांचा जन्म राजकीय घराण्यात झाला असल्याने त्यांना जन्मतःच राजकारणाचा वारसा मिळाला होता. माजी पंतप्रधान जवाहरलाल नेहरू यांचे निधन झाल्यानंतर काँग्रेस पक्षात त्यांची प्रतिष्ठा वाढली. त्यावेळी त्या देशाच्या नेत्या म्हणून उदयास आल्या. दरम्यान, लाल बहादूर शास्त्री हे पंतप्रधान असताना त्यांच्या मंत्रिमंडळात त्यांना माहिती आणि प्रसारण मंत्री करण्यात आले. त्यांतर 1966 मध्ये शास्त्रींच्या निधनानंतर देशाच्या पहिल्या महिला पंतप्रधान म्हणून इंदिरा गांधी यांनी शपथ हेत इतिहास रचला. त्यांचा पंतप्रधान पदाचा कार्यकाळ जगभर गाजला होता. पदावर असताना त्यांनी असे काही निर्णय घेतले जे ऐतिहासिक ठरले. Also Read - Indira Gandhi: येथे इंदिरा गांधी यांना देवी समजून केली जाते दररोज पूजा!

आणीबाणीचा वादग्रस्त निर्णय

दिवंगत इंदिरा गांधी या त्यांच्या निर्णयामुळे ओळखले जातात. त्यांचा कार्यकाळातील सर्वात वादग्रस्त निर्णय म्हणजे आणीबाणी. 1971 च्या निवडणुकीत सरकारी यंत्रणेचा गैरवापर केल्याचा आरोप त्यांच्यावर लावण्यात आला, तेव्हा अलाहाबाद उच्च न्यायालयाने 1975 ची लोकसभा निवडणुका रद्द करत इंदिराजींवर 6 वर्षे निवडणूक लढवण्यास बंदी घातली होती. यामुळे विरोधकांनी इंदिराजींच्या राजीनाम्याची मागणी केली. पण इंदिराजींनी कोणालाच न जुमानता देशात आणीबाणी जाहीर केली होती. इंदिराजींचा हा निर्णय जगभरात चर्चेत आला होता.

पाकिस्तानचे केले दोन तुकडे

फाळणीनंतर पाकिस्तानी निर्मिती झाली. यावेळी पाकिस्तानचे दोन भाग होते एक पूर्व पाकिस्तान म्हणजेच सध्याचा बांगलादेश आणि दुसरा भाग म्हणजे पश्चिम पाकिस्तान. त्यावेळी पाकिस्तानच्या सरकारवर आणि लष्करावर पश्चिम पाकिस्तानचे वर्चस्व होते. त्यांची भाषा उर्दू होती. तर पूर्व पाकिस्तानची मातृभाषा ही बंगाली होती. त्यामुळे पश्चिम पाकिस्तानचे लोक पूर्व पाकिस्तानच्या लोकांचा द्वेष करायचे. 1970-71 च्या निवडणूकीत पूर्व पाकिस्तानकडे बहुमत होते. मात्र, पश्चिम पाकिस्तानच्या लोकांनी हे बहुमत डावलून पूर्व पाकिस्तानला सत्ता हस्तांतर करण्यास नकार दिला. याविरोधात पूर्वच्या लोकांनी आवाज उठवायला सुरुवात केल्याने पश्चिम पाकिस्तानच्या सरकारने आणि लष्कराने पूर्व पाकिस्तानच्या लोकांवर कारवाई करण्यास प्रारंभ केला. यामुळे पूर्व पाकिस्तान आणि पश्चिम पाकिस्तान यांच्यात संघर्ष पेटला. यावेळी इंदिरा गांधी यांनी पूर्व पाकिस्तानची मदत करण्याचा निर्णय घेतला आणि पाकिस्तानला धडा शिकवत 1971 साली पाकिस्तानचे दोन तुकडे पाडत बांग्लादेशच्या निर्मितीत महत्त्वाची भूमिका पार पडली.